🔥 عايزة تنتحر.. شاهد: فنانة مصرية تبكي بسبب واقعة معلمة المنصورة صاحبة فيديو الرقص 

صحيفة المرصد: دعمت الفنانة المصرية هيدي كرم، معلمة المنصورة التي أثارت جدلاً كبيراً مؤخراً في مصر، والتي تصدرت المشهد وأصبحت حديث المجتمع، بعدما أحيلت للتحقيق بسبب فيديو راقص مع مجموعة مدرسين على مركبة نيلية وصف بغير اللائق.

ولم تتمالك الفنانة المصرية دموعها وبكت وهي تدعم المعلمة، بعد أن ظهرت في مقطع فيديو عبر  حسابها بموقع انستجرام، وجهت خلاله رسالة للمعلمة وطلبت منها أن تكون قوية كونها لم تفعل شيئاً خاطئاً.

قصة غريبة عجيبة

وقالت هيدي كرم في الفيديو: ” بقى لنا يومين في قصة غريبة عجيبة من نوعها، وكلنا ساكتين ومفيش رد فعل، معلمة المنصورة كانت في رحلة مع أصحابها اللي عاشرتهم وبتقضي معاهم وقت أكتر ما بتفضي مع عيلتها، سمعت مزيكا واتمايلت شوية ورقصت، دمرتوها وضيعتوا مستقبلها واتطلقت من جوزها واتردفت من شغلها وبيتحقق معها ليه نفس أفهم؟.

ماحدش لمسها

وأضافت: “عشان رقصت في مكان عام من غير ما حد يلمسها أو يمسكها مسكة مش لطيفة وكانت لابسة محتشم مش لبس عريان دمرتوها وضيعتوها لو عندها عيال هيعيشوا في عار طول العمر كأنها ممسوكة في قضية آداب ما حدش فينا فكر أنه يدعم الست دي”.

بيتها اتخرب وبتفكر تنتحر

وتابعت مستنكرة: “هو في قانون بيقول أن الرقص جريمة يعاقب عليها القانون؟.. طيب فين الستر اللي أمرنا ربنا به؟.. ليه كل ده يحصل فيها بيتها اتخرب وبتفكر تنتحر، عشان ولا حاجة كانت بترقص بكل نية سليمة وبراءة ولم يصدر منها أي حركة خادشة للحياء”.

وواصلت حديثها باكية: “ليه نعمل كل ده فيها؟، كلنا ممكن نتحط في نفس الموقف ده ومحدش بيسمي على حد، حتى الصحافة بتوصفها غلط، ومحدش فكر في الستر، بتركنوه على جنب لما يبقى فيها تقطيع لحم الناس ونميمة”.

أرجوكي كوني قوية

واختتمت حديثها موجهة رسالة للمعلمة إذا قالت: “أنا معرفش اسمك بس بدعمك، أرجوكي كوني قوية، ماتخليش حاجة تكسرك، أنتي ست محترمة ومحدش له حاجة عندك، عملتي حاجة قدام الناس وسط نور ربنا، أزمة وهتعدي”.